!دیا جلاۓ رکھنا۔۔۔۔۔۔

آزادی کے شہیدوں نے جو دیا اپنے خون سے جلا کر پاکستان بنایا تھا اور ہمارے روشن مستقبل کا سامان کیا تھا، آج بھی اس دئے کو امید کی کرن سمجھتے ہوئے جلاۓ رکھنے کی ضرورت ہے۔ ۔۔۔۔۔۔۔۔۔۔بلکہ اشد ضرورت ہے تاکہ دہشت گردی، بے روزگاری، احساس محرومی، طبقاتی تفریق، انصاف کی گرانی، مہنگائ کا طوفان، غربت اور جہالت کے اندھیروں اور انسانی جان کی ارزانی کے خلاف جدوجہد جاری رہے۔ ۔۔۔۔۔۔۔۔۔۔۔ الفاظ کی حد تک تو یہ دیا ہر یوم آزادی پر جلایا جاتا ہے لیکن اسکی حدت دل جلانے سے آگے بڑھ نہیں پاتی۔

کیونکہ اس آنچ کو ملنے والا تیل خالص نہیں رہا۔۔۔۔۔۔ یہ ذاتی مفادات، جھوٹی انا، باہمی نفرت، جھوٹ کی سیاست اور عناد سے ملاوٹ شدہ تیل ہے۔ ۔۔۔۔۔۔۔۔۔۔ اس تیل کو بدلے بغیر وہ آنچ نہیں حاصل ہو سکتی جو جوش اور جذبہ سے بھرپور وطن کی محبت کا شعلہ بلند کر سکے۔

ہر پاکستانی کا فرض ہے کہ وہ اس تیل سے ملاوٹ کو ختم کرنے کے لئے اپنا کردار ادا کرے۔ ورنہ ۔۔۔۔۔۔۔۔۔۔۔۔۔۔خدا نخواستہ دیا بجھنے لگا تو نوٹس نہیں بھیج کر بھجے گا۔ پاکستان زندہ باد۔۔۔۔۔۔۔۔۔۔۔اللہ سدا قائم رکھے اس وطن پاک کو اور اپنی حفاطت میں رکھے۔۔ آمین، ثم آمین